VISIT US ON AREWASOUND.COM


HOTTREND ONLINE :
Music Mp3 - Sabuwar Wakar Hamisu Breaker mai suna - Bazana Manta Maryam Ba.
CHECK NEW PRODUCTS HERE
Hamisu breaker 2020 Album Download Mp3 music

Sammani aa 2020 Album : Download Complete Album (Akwai lokaci)

Umar M Shareef Zeenaru 2020 Official AUDIO+VIDEO

MUSIC: Melery 2020 Song Da Dadi So

Monday

Home Wasu Matasa Sun Yi Zanga-Zangar Neman Shugaba Buhari Ya Sauka.


Buhari ya sauka
Dubi ra’ayoyi

— A Abuja wasu matasa suka yi zanga zanga cikin lumana ta kiran shugaban Najeriya Buhari ya sauka daga mulki saboda yanzu ya fi kwana 90 yana jinya a Ingila abun da suka ce ya sabawa kundun tsarin mulkin kasa.

Daruruwan matasa suka fito cikin ruwan sama a Abuja dauke da kwalaye suka yi zanga zangar lumana suna bukatar shugaba Muhammad Buhari ya sauka daga mukaminsa na shugaban kasa.

A cewarsu rashin lafiyarsa taki ci taki cinyewa. Kwamred Abdul Bako Usman jigo a kungiyar Campaign for Democracy yana mai cewa tunda 'yan jarida da mataimakin shugaban kasa basu san abun dake damun shugaban kasa ba amma wasu 'yan tsiraru suna juya kasar yadda suka ga dama kamar yadda suka yi da Marigayi Musa 'Yar'Addu'a a shekarar 2010, ya zama wajibi shugaban yayi murabus.

Yace maimakon 'yan tsirarun su batawa shugaban kasa suna ya bar aikin domin a san inda kasar ta nufa.

Cikin batutuwan da masu zanga zangar suke korafi a kai shi ne cewa shugaba Buhari ya wuce kwanaki casa'in yana jinya a waje kuma a cewar Adeyanju ya sabawa kundun tsarin mulkin kasa. Yana mai cewa kudun tsarin mulki ya ba likitocinsa biyar ikon su bayyana ko zai iya cigaba da aikinsa ko kuma ba zai iya ba.
Kawo yanzu dai fadar shugaban kasa bata mayarda martani ba akan wannan zanga zangar.

Voa hausa.
No comments:
Write Comments