Sorry for This pop-up ads, It's the only way to monetize our page. 👍
Tags:
STAY WITH US AREWA24.COM.NG

Tuesday

Home 'Yan kabilar Ibo sun ce a basu kujerar Saraki a majalisar dattawa

Yayin da harkokin siyasar Najeriya suka soma daukar sabon salo musamman ma ta yadda tuni 'yan siyasa suka fara hankoron siyasar shekarar 2023, tuni dai kasar ta soma daukar harami.


Haka zalika yayin da ake shirye shiryen kaddamar da majalisar tarayya karo na tara tun bayan dawowa mulkin demokradiyya a wannan jamhuriyar, manyan 'yan siyasa daga bangaren al'ummar Ibo sun yi kira ga jam'iyyar APC ta baiwa yankin na su shugaban Sanatoci.

KU KARANTA : Zafafan Hotunan Fatima Ganduje bayan shekara guda da auren ta. : HOTUNA 
A cewar su, wannan ne kawai zai sa 'yan kabilar ta Ibo su ji ana damawa da su a harkokin siyasar kasar kuma hakan zai sa 'yan kabilar su dena jin kamar ana nuna masu wariya da tsangwama a tarayyar ta Najeriya.

Tuni dai wasu jiga-jigan 'yan siyasar daga yankin na Inyamurai suka soma dukan gangar bukatar ta su ta kujerar shugaban majalisar dattawa musamman ma ganin cewa shugaban majalisar na yanzu, Dakta Bukola Saraki bai samu nasarar dawowa ba.

A wani labarin kuma, Babban malamin addinin nan na kirisa mai da'awar Annabta watau Udoka Daniel Okechukwu dake zaune a jihar Anambra da yayi hasashen cewa dan takarar shugabancin kasa a PDP, Atiku Abubakar ne zai lashe zaben 2019 ya sake magana.

Fasto Udoka ya bayyana cewa duk da dai hukumar zabe mai zaman kanta ta kasa watau Independent National Electoral Commission (INEC) ta bayyana akasin abun da shi ya hasaso amma dukkan alkaluman sa na cigaba da nuna cewa Atiku din ne dai ya lashe zaben.
SOURCE LEGIT.NG
No comments:
Write Comments