Sorry for This pop-up ads, It's the only way to monetize our page. 👍
Tags:
STAY WITH US AREWA24.COM.NG

Sunday

Home Gaba da baya ni dan Nigeria ne "ci rani ya kaimu Adamawa" : Atiku
Jaridar Daily Nigerian ta rahoto Alhaji Atiku Abubakar ya fadawa kotun da ke sauraron karar zaben 2019 cewa Iyayensa ‘Yan Najeriya ne don haka shi ma ya zama cikakken ‘Dan Najeriya, a sakamakon asalin Mahaifan na sa.

Atiku

Atiku Abubakar ya sanar da kotu cewa wanda ya haife sa Garba Atiku Abdulkadir ya fito ne daga kasar Wurno wanda ta ke cikin jihar Sokoto a yau. An haifi Atiku ne a 1946 a cikin Garin Jada da ke tsohuwar Kasar Kamaru.

‘Dan takarar na PDP ya kuma ce Mahaifiyarsa Aisha Kande, asalin ta Mutumiyar Garin Dutse ce, wanda yanzu nan ne babban Birnin Jihar Jigawa. APC tana ikirarin cewa Atiku ba ‘Dan kasa bane don haka bai da hurumin takara.

KU KARANTA: Kuma dai : An cafke 'yar Najeriya da hodar Iblis a birnin Sin.   

Lauyoyin Atiku sun fadawa Kotu cewa da shi da Muhammadu Buhari duk Fulani ne, kuma Iyayen Atiku sun bar Sokoto ne a dalilin yawan fataucin da ya kai Kakanninsa zuwa Garin Jada a dalilin wani Abokinsa mai suna Ardo Usman.

Masu kare Atiku a gaban kuliya sun fadawa kotu cewa Kakan ‘dan takarar na PDP na wajen Ubansa ya haifi Mahaifinsa Garba a Garin Jada ne bayan sun yi kaura daga kasar Sokoto saboda harka ta kasuwanci a zamanin da.

Haka zalika Lauyoyin ‘dan takarar sun bayyana cewa Kakannin Mahaifiyarsa watau Aisha Kande sanannun ‘yan kasuwa ne a cikin Jigawa a wancan lokaci. Lauyoyin su kace Kakan Atiku ta wajen Uwa sunan sa Malam Inuwa Dutse.

SOURCE : LEGIT. NG
No comments:
Write Comments