Sorry for This pop-up ads, It's the only way to monetize our page. 👍
Tags:
STAY WITH US AREWA24.COM.NG

Wednesday

Home 'Yan kungiyar asiri 151 sun fada tarkon hukumar 'yan sanda cikin wata jiha a Najeriya -
Jaridar Premium Times ta ruwaito cewa, hukumar 'yan sanda ta samu nasarar cafke 'yan kungiyar asiri 151 a jihar Anambra biyo bayan matsin lamba na sintiri da kai komo da ta dabbaka a tsakanin ranar 1 zuwa 16 ga watan Afrilun 2019.
yan kungiyar asiri

SP Muhammad Haruna, kakakin rundunar 'yan sanda na jihar, shi ne ya bayar da shaidar hakan cikin wata sanarwa yayin ganarwar sa da manema labarai a ranar Talatar da ta gabata cikin birnin Awka.

Babban jami'in 'yan sandan ya ce hukumar ta kuma samu nasarar cafke miyagun makamai da wasu kayan maye da ake zargin ciyawa ce ta tabar wiwi. Kazalika SP Haruna ya ce cikin ababen zargin da aka cafke akwai kimanin Yara 20 da hukuncin doka bai rataya a wuyan su ba.

Yayin bayar da tabbacin ci gaba da bincike a kan miyagun ababe domin gurfanar da su a gaban Kuliya, kakakin 'yan sandan ya nemi hadin kan al'umma wajen shigar da rahoton duk wasu ababe na rashin yarda da ke aukuwa a zamantakewar su.


Cikin wani rahoton da jaridar Legit.ng ta ruwaito, a ranar Lahadin da ta gabata rikicin makiyaya da manoma ya salwantar da rayukan Mutane 16 tare da raunata kimanin Mutane 14 a kauyen Numa da ke karkashin karamar hukumar Akwanga ta jihar Nasarawa.

DUBA WANNAN : 'Dan gani kashenin Kwankwasiyya ya tsira bayan kwashe kwanaki 13 a hannun DSS.  
No comments:
Write Comments